शिक्षणाधिकाऱ्यांचा इशारा! आठ दिवसात आधार अपडेट करण्याचे निर्देश; शाळांचे वेतन रोखण्याचेही निर्देश

वर्धा : स्टुडंट पोर्टलवर विद्यार्थ्यांच्या आधार कार्डवरील माहितीत तफावत दिसून येत असल्याने मुख्याध्यापकांनी वर्ग शिक्षकांकडून आधारकार्ड अद्ययावत करण्याचे काम पूर्ण करावे, अन्यथा शाळांची वेतन देयके रोखण्याबाबत कार्यवाही केली जाणार आहे. इंग्रजी माध्यमांच्या शाळांची मान्यता रद्द करण्याची कार्यवाही करण्यात येणार असल्याचे पत्र शिक्षणाधिकारी (माध्य.) डॉ. माधुरी सावरकर यांनी जिल्ह्यातील ४७ शाळेतील मुख्याध्यापकांना पाठविले आहे.

शाळांमधील विद्यार्थ्यांच्या आधारवरील माहितीत पोर्टलमध्ये तफावत दिसून येत आहे. तसेच काही विद्यार्थ्यांच्या आधारप्रमाणे दुबार नोंदणी झालेली दिसून येत आहे. काही विद्यार्थ्यांची अजूनही आधार नोंदणी करण्यात आलेली नाही. आधार नोंदणी व अद्यावतीकरण नसलेल्या विद्यार्थ्यांचा संच मान्यतेमध्ये समावेश केला जाणार नाही याची शाळांनी दखल घ्यावी. स्टुडंट पोर्टलवर आधारप्रमाणे सरल ‘डेटा मॅच’ करण्याबाबतचे काम सोपवावे. असे न केल्यास इंग्रजी माध्यमांच्या शाळांची मान्यता रद्द करण्यात येणार असून, शाळांचे वेतनही रोखण्यात येईल.

LEAVE A REPLY

Please enter your comment!
Please enter your name here