सेलू : रस्त्यावर धावणाऱ्या कारला अज्ञात वाहनाने दिलेल्या धडकेनंतर अपघातग्रस्त कार थेट दुभाजकावर चढली. ही घटना गुरुवारी दुपारी येथील विद्याभारती महाविद्यालया समोर घडली. सुदैवाने या अपघातात कोणालाही दुखापत झाली नाही, परंतु कारचे किरकोळ नुकसान झाले. नागपूर येथील दाम्पत्य एम. एच. 3७ जी. ७६६९ क्रमांकाच्या कारने वर्ध्याच्या दिशेने जात होते.
दरम्यान त्यांच्या कारला ओव्हरटेक करण्याच्या नादात अज्ञात वाहनाने जोरदार धडक दिली. यात कार समोरील ट्रेलरवर आदळून थेट दुभाजकावरच चढली. ज्या दिशेने कार येत होती नेमकी त्याच दिशेने कार पलटी होती. या घटनेची माहिती मिळताच पोलिसांनी घटनास्थळी दाखल होऊन पंचनामा केला. याप्रकरणी पुढील तपास पोलीस करीत आहे.
