डॉ. देवेंद्रकुमार गुप्ता यांच्या पुण्यस्मरण दिनानिमित्य वृक्षारोपण

0
76

वर्धा : नैसर्गिक शेती विकास केंद्राच्या वतीने मगन संग्रहालय समितीचे पूर्व अध्यक्ष डॉ. देवेंद्रकुमार गुप्ता यांच्या पुण्यतिथी निमित्य विविध कार्यक्रमाचे आयोजन करण्यात आले होते. आयोजित कार्यक्रमाप्रसंगी सरपंच राजू नौकरकर, उपसरपंच मंगेश गिरडे, तंटामुक्ती समितीचे अध्यक्ष राकेश चंदनखेडे, गिरड ग्रामीण पत्रकार संघाचे अध्यक्ष लालसिंह ठाकूर, पत्रकार गुरुसिंग बावरा, विलास नवघरे, शांतता समितीचे अध्यक्ष शेख रहीम, प्रहार संघटनेचे अध्यक्ष विष्णू घरत, श्रीराम मंदिर देवस्थानचे अध्यक्ष बळवंत गाठे, माजी सरपंच दीपक पंढरे, रामचंद्र भिसेकर, पोलीस पाटील इंद्रपाल आटे, सामाजिक कार्यकर्ता अशोकराव हलवाई, ठाणेदार सुनील दहिभाते यांची प्रमुख उपस्थिती होती.

मगन संग्रहालय समितीच्या नैसर्गिक शेती विकास केंद्रात जैव विविधता संवर्धनाच्या अनुषंगाने विविध प्रजातीच्या वृक्ष नर्सरी उभारण्यात येत आहे. परिसरातील नामशेष होणाऱ्या वृक्षाचे 33 प्रजातीचे संगोपन आणि रोपण होण्यासाठी 100 वृक्षाचे रोपण करण्यात आले आहे. आयोजित कार्यक्रमाची प्रास्ताविक भूमिका केंद्र प्रमुख गजानन गारघाटे यांनी मांडली. यावेळी सुरेश शेलोर यांनी उपस्थितांना वृक्षाची ओळख आणि महत्व समजावून सांगितले. कार्यक्रमाच्या यश्वितेकरिता शंकर भिसेकर, प्रमोद आस्कर, विष्णू ब्राम्हणवाडे, राजेंद्र बावणे, विनोद बारेकर आणि पोलीस कर्मचाऱ्यांनी परिश्रम घेतले.

LEAVE A REPLY

Please enter your comment!
Please enter your name here