वर्धा : व्यापाऱ्याच्या घराला सोमवारी लक्ष्मीपूजनाच्या दिवशी चोरट्यांनी लक्ष्य केले होते. नागपूर रोड, एसबीआय ट्रेझरी बँकेजवळील गणेश कॉलनीत घडलेल्या या घटनेमुळे सर्वत्र भितीचे वातावरण आहे. संबंधित व्यापारी आपल्या पत्नीसह घराला कुलूप लावून दुकानात पुजा करण्यासाठी गेले होते. याच दरम्यान चोरट्यांनी 5 लाख 50 हजार रुपयांची चोरी केली. या प्रकरणाचे गांभीर्य पाहून पोलिसांनी तातडीने तपास सुरू केला आहे.
निर्मल बेकरीचे संचालक यशवंत रामचंद्र खुबचंदानी (58) यांचे नागपूर रोडवरील स्टेट बँक ऑफ इंडिया ट्रेझरी शाखेच्या शेजारी गणेश कॉलनीत घर आहे. अनेकदा ते दुकानाची रक्कम घरी आणत नाही. मात्र लक्ष्मीपूजचा, दिवस असल्याने दुकानातील काही पैसे घरी आणले होते. दरम्यान सायंकाळी 7 वाजताच्या टरम्यान लक्ष्मीपूजन करण्यासाठी यशवंत खुबचंदानी आपल्या पत्नीसह कारने दुकानात गेले. दुकानातील पूजा उरकून रात्री 8.30 वाजता घरी परतले. मात्र घरातील आलमारीतून 500, 200, 100 व 200 रुपयांचे बंडल एकूण 5 लाख 50 हजार रुपयांची रक्कम चोरून नेली. चोरट्यांनी घराच्या मागच्या दरवाजा तोडून आतमध्ये प्रवेश केल्याची माहिती आहे.