वर्धा : सणांच्या पार्श्वभूमीवर होणाऱ्या भेसळीला आळा घालण्यासाठी अन्न व औषध प्रशासन (एफडीए) विभागाकडून विशेष कार्यवाही सुरू करण्यात आली. सुरू करण्यात आलेल्या मोहिमेंतर्गत आतापर्यंत जिल्ह्यातील विविध भागांतीळ दुकाने आणि उत्पादन केंद्रांवर छापे घालून मिठाई, खवा, दुग्धजन्य पदार्थांचे सुमारे १२५ नमुने घेत ते तपासणीसाठी प्रयोगशाळेत पाठविण्यात आले असल्याची माहिती विभागाकडून देण्यात आली आहे.
अन्न सुरक्षा आणि दर्जाबाबत कोणतोही तडजोड केली जाणार नाही, असेच धोरण सध्या अन्न व औषध प्रशासन विभागाच्या जिल्ह्यात राबविठे जात आहे. सण-उत्सव सुरू होण्यापूर्वी एफडीएच्या अधिका-यांनी दुकानदार व उत्पादकांची बैठक घेत त्यांना मार्गदर्शक सूचना दिल्या होत्या. याच सूचनांचे पालन जिल्ह्यातील अन्न पदार्थ विक्रेत्यांकडून होत आहेत काय, याची शहानिशा विशेष मोहीम राबवून केली जात आहे. याच मोहिमेदरम्यान नियमांना बगळ दिली जात असल्याचे पुढे आल्यावर तब्बल तीन अन्न पदार्थ विक्री करणार्या व्यावसायिकांचे परवाने तात्पुरते निलंबित करण्यात आले आहे. तर अन्न पदार्थांच्या पाठविण्यात आलेल्या नमुन्यांपैकी आतापर्यंत प्रयोगशाळेतून प्राप्त झालेल्या अहवालांमध्ये काही नमुने सब स्टॅण्डर म्हणजेच कमी दर्जाचे आढळले आहे. पण, हे अन्न पदार्थ नागरिकांच्या सेवनायोग्य असल्याचेही पुढे आल्याने कठोर कारवाई करण्यात आलेली नाही. पण खबरदारीच्या सूचना संबंधितांना देण्यात आल्या आहेत.
८९८ किलो सोयाबीन तेल जप्त
या कारवाईत अन्न सुरक्षा व मानदे कायद्याचे उल्लंघन करणार्या तेल विक्रेत्यावर कारवाई करण्यात आली. यात ८९८ किलो सोयाबीन तेल जप्त करण्यात आले. त्याची किंमत १ लाख ३० हजार २१० रूपये असल्याचे पुढे आले. या काळात एकुण ८४ आस्थापणांच्या सखोल तपासणी करण्यात आली. यापैकी ३८ प्रकरणे सुधारणा नोटीस देण्यात आली. व ३ आस्थापनांचे परवाने निलंबीत करण्यात आले. ३ आस्थापनाविरूद दंडात्मक कावाई करून ४० हजारांचा दंड वसुल करण्यात आला.
सणांच्या काळात मिठाई, खवा, बर्फी, दुधाचे पदार्थ यांची मागणी मोठ्या प्रमाणावर वाढते. अशावेळी ग्राहकांच्या आरोग्याची सुरक्षितता जपण्यासाठी एफडीए सतर्क आहे. ऑगस्टपासून जिल्ह्यात विशेष मोहीम राबविण्यात येत आहे. आतापर्यंत तीन व्यावसायिकांचे परवाने तात्पुरते निलंबित करण्यात आले आहे. ग्राहकांनीही खरेदी करताना गुणवत्तेची खात्री करून घ्यावी. तसेच शंका आत्यास संबंधित दुकानाची माहिती एफडीएला द्यावी.
-प्रफुल्ल टोपले,
उपायुक्त (अन्न) अन्न व औषध
प्रशासन, वर्धा.
